Isola Franca



ISOLA FRANCA

Estate en Isola Franca ¹
Rua Madureira ²
Corcovado ³
Per la ama de ama ⁴
Via de la sol ⁵
Un fenetra abrida ⁶
Mea samba torseda ⁷
Imajina ⁸
Canta de India ⁹
Suzan ¹⁰
Invita per viaja ¹¹
Arenas oro ¹²
La Sude ¹³
La brincacuadro ¹⁴
Cada umana ci memori ce el va mori ¹⁵
Sin tu me no esiste ¹⁶

¹ Bruno Martino e Bruno Brighetti (1960)
² Diane Beretta, Richard Beretta e Nino Ferrer (1969)
³ Antônio Carlos Jobim (1960)
⁴ José Toledo e Jean Manzon (1960)
⁵ Antônio Carlos Jobim e Dolores Duran (1958)
⁶ Frédéric Loizeau e Pauline Ester (1991)
⁷ Celso Fonseca (2003)
⁸ Yoko Ono e John Lennon (1971)
⁹ Carlos D'Alessio e Marguerite Duras (1974)
¹⁰ Leonard Cohen (1966)
¹¹ Charles Baudelaire e Magis Optis (1979)
¹² Henri Salvador e Michel Modo (2000)
¹³ Nino Ferrer (1975)
¹⁴ R.C. De Queiroz, J.C. Conde, F. Leibovitz (1980)
¹⁵ Pierre de Ronsard (1549), Alain Souchon (2019)
¹⁶ Antônio Carlos Jobim e Vinicius de Moraes (1958)

Escuta jeneral

© Magis Optis, 2019-2020.


Invita per viaja


Charles Baudelaire e Magis Optis (1979)
Traduida de la lingua franses a la lingua franca nova



Mea fia e sore,
lo ta es tan dulse,
un vive alà per nos du!
Ama a nosa vole,
ama e mori alà,
a la pais simil a tu!
La soles moiada
en sielos turbada,
per me es como la encantas
tan misteriosa
de tua oios
sintilinte an plorante.
Tota alà es armoniosa,
lusosa, calma e deletosa.


On ta ave mobilas
cual anios fa brilia
per decora nosa sala
e flores multe rara
miscante sua odor a
un sutil parfum de ambar.
Ornas sofital,
mirores profonda,
ostentas de la oriente,
tota en secreta
ta parla sua dialeto
dulse, dulse, a la mente.
Tota alà es armoniosa,
lusosa, calma e deletosa.


Vide esta barcones
cual dormi alà,
como spiritos vagante:
de distantia longa,
los ia trae a tu
tota cual tu es desirante.
Soles reposante
vesti la campos,
la canales e la vila,
con zircon e oro;
la mundo vade a dormi
a la tepidia de la lus.
Tota alà es armoniosa,
lusosa, calma e deletosa.