retour

La secreta de la Cade sin cade:
Arcimedion e Gravitor


La Arcimedion

Archimedion_1

En sua obra De Causis Naturalibus, en la capitol XV sur la prinsipe de Arcimede, dom Munius descrive la macina sin ecuilibra nomida Arcimedion e atribui esta inventada a la matematiciste antica Alzon (Archimedio Alzonis).

La conseta sin duta ia es ja conoseda, car la cruses templan serifida , e la cuadro latina [SATOR AREPO] TENET OPERA ROTAS (traduida : « la labora teni la rotas »), pare es sua cripto-atesta. Algunes considera la simbol indian e tibetan suastica 卍, simbol de la move universal, o la iin-iang ☯, simbol dauiste, como un atesta multe plu antica de esta conseta.

Plu, on trova la desinia de la Arcimedion en la scema 108 de la Maschinen Tractate de Johann Bessler (1681-1745). Sin duta, Johann Bessler (ance conoseda como Orffyreus) ia teni en mano la obra de dom Munius, ma, nonacordante con dom Munius, el no ia sumerji tota la rota, la linia BB indicante la nivel de la acua.


Arcimedion

Scema de la Arcimedion
(la rota de Arcimede)

Scema esplicante, e prinsipe de la movador


En azul, on ave acua. Esta macina sumerji tota en un masa licuida en un contenador (arca aquaria).

En esta scema, la discos purpur representa sferas tre pesante. Tota la sferas, de mesma masa, es liada par un membrana flexable nonpermeable, cual los move a esterna o a interna de la soflador, longo la posto de acel.

En blanca, on ave aira, contenida en sofladores. Sofladores oposante es juntada par un tubo cual condui la masa airal de un soflador a sua oposante. (Per tubulum ducitur aer ad adversum follem.XV, 27.)

La sferas pesante, a destra, puxa la masa airal; a sinistra, los tira la masa airal. La atas combinante de la sferas oposante move la masa airal de destra a sinistra, desecuilibrante constante la rota par un puxa arcimedal plu forte a la lado sinistra ca a la lado destra.

Esta desecuilibra sustada causa un move jirante de la rota.

Constrinje de funsiona : per trae un volum airal determinada de un soflador a la otra, la pesas ajuntada de du masas oposante debe es plu grande ca la pesa de la mesma volum acual. (Ad quantum aerem movendum ab hoc folle ad illum follem, tanta aqua levior necesse est quam coactae moles.XV, 35.)


Un indica?


A

On pote demanda a se esce la forma spesial de la letera A, en la scema 108 de la Maschinen Tractate de Johann Bessler, simboli la forma identica cual la membrana prende, e en la soflador sinistra e en la soflador destra, cuando la tubo es en posto orizonal...

La Gravitor de dom Munius, o la Cade sin cade

Pendularium-8
Scema de la pendularium

A pos, en la capitol XVI de sua De Causis Naturalibus, dom Munius descrive la macina Gravitor, un otra sistem con desecuilibra sustada, derivada de la prima. El no dise ci es la inventor (posible el mesma?).

Seguente dom Munius, si on visita la interna de la rota, on trova prima en esta macina un disco vertical a cual sferas pesante es liada uniforma sirca la ase. Esta sferas es nomida Satelites (sphaerae satellites). Esta sferas periferial es liada a la disco, ma los pote move alga. Sua moves es constrinjeda afin conserva la ecuilibra a cada disposa de la disco. La grupo de la sferas periferial constitui la pendularium.

Gravitor-8
Scema de la Gravitor

Par leveres con pedes curva, e par un corea, on colie la forte developada sur la leveres par la pesa asemblada de la sferas: de cada Satelite, la Gravitor colie un mesma parte de forte pesante, conservante tal la ecuilibra jeneral.

Alora, visitante plu interna, on descovre ce esta forte colieda desloca, en modo continua, un masa pesante nomida la Sol, o la Petra ascondeda (Lapis occultum) en la cor de la sistem, a la lado destra de la rota, creante un desecuilibra sustada.

La gravitor jira tal, xercante sempre un ecuilibra cual lo trova nunca. On pote dise ce acel aparato cambia la cade linial vertical de la Petra a un move jirante stante: la Cade sin cade.

Sator Arepo