retour

Alga informas sur la nomes

Lepsos : En esta isola elinicin, longo Manouna Orti, la templo favoreda de Apolon ta sta. La sentro de acel isola ia ta es — ta es ancora ? — la loca de sua misterios, destina final de sua peregrinores.

La isola es sitada — ma esce lo es vera esta isola ? — su la nom de Lepsia par Plinio la Vea, en Istoria natural, libro V, capitol XXXVI, § 2. Per informas sur Lepsios (Λέψιος) o Lepsieus (Λεψιεύς), conom de Apolon, vide la poesia de Licofron de Calcis, Alexandra, a linias 1454-1456, per esemplo.

Longo Michael Volonakis, en La isola de la rosas e sua des-un sores, « Lepsos » ta es mera un entre sua tre nomes. A la paje 101 de acel obra, M. Volonakis evoca la nomes de la isola: Leipso, Leipsoi, Lepsos. Plu resente, Lepsos es sitada par Isabelle Pimouguet (Défense et territoire : l'exemple milésien, en Dialogues d'histoire ancienne, 21.1, 1995, a la pajes 94, 99, 100), sempre en relata con la isolas Leros e Patmos.


Magis Optis : Acel nom ia apare, a la anios 70 temprana, en un sonia do me ia es resetante un letera de mea frato, Yves. La selo postal colida sur la envelopa ia porta esta parolas misteriosa — poneda la un supra la otra, tal como en nosa logo — cual ia pare a me como parolas scriveda en un lingua nonconoseda, ma sore de latina : en efeto, en latina, magis sinifia « plu », e optare « aspira ». Me ia dedui ce acel parolas sinifia « Desiras plu alta ». Al dorso de la envelopa me ia descovre la frase famosa scriveda par la mano de Yves: « No! lo no es soldi! »


Manouna Orti : Un otra nom venida de un sonia, cuando me ia es joven. Acel sonia ia es un xerca de un xica de ci me ia conose no la nom no la adirije, un xerca cual ia gida me asta sua loca, un pico casa de apartes con du niveles: me ia entra alà. Entre la diversa caxas de posta me ia xerca cual nom ia debe es sua nom. La nom « Orti », sur un caxa, ia pare es como evidente. En un saleta do on posa la sicles, me ia trova, colida sur la mures, alga folietas de paper con desinias de un xica. Su cada desinia un mano joven, ia scrive la comentas : « Manouna jua con la bal », « Caterina, Mama e Manouna », etc.


Marcelin Moine : Un person de ci on sabe poca, estra ce el ia es mason... ma cual cosa sinifia mason? El ia es un person contatada tra un seanse cual la grupo Magis Optis ia fa, a un sera en 1975, pos la nota de multe rompes de eletrica nonesplicada, an fritas strana en nosa parladores, tra nosa praticas musical. La vitro per licor, su nosa ditos, ia responde a du demandas, liscante a la leteras de un alfabeta scriveda sur un carta grande:

« Cual es tua nom ? — M.A.R.C.E.L.I.N.M.O.I.N.E. — Ci tu es? — M.A.S.O.N. »

Nos no ia sabe cosa plu de el. Ma el ia entra en mea memoria e mea mundo imajinal... E la fritas ia desapare...